Filipos 2:16-18

Ang Bagong Tipan: Filipino Standard Version

¹⁶ Patuloy ninyong panghawakan ang salita ng buhay upang sa araw ni Cristo ay maipagmalaki ko na hindi nasayang ang aking pagtakbo at hindi nauwi sa wala ang aking pagpapagal. ¹⁷ At kahit ibinubuhos pa ako na parang inuming handog sa ibabaw ng alay at paglilingkod ng inyong pananampalataya, ako'y natutuwa at nakikiisa sa kagalakan ninyong lahat. ¹⁸ Sa gayunding paraan, dapat kayong matuwa at makiisa sa aking kagalakan.